Friday, December 30, 2016

වැරැද්ද කොතැනද?????

දැන් අපේ රටේ බොහොම බරපතල ආගමික ගැටලු තියනවෙනේ. සැරෙන් සැරේ බදු බර හින්දා යටපත් වෙලා ගියත් ඔය ප්‍රශ්ණ ආයෙත් උඩ එනවා බොරොම ඉක්මනට. ගොඩක්ම ප්‍රශ්ණය තියන්නේ මුස්ලිම් ජාතිකයන් බෞද්ධ ආගමට අපහාස කරනවා කියලනේ. එහෙම බැලුවම මේක ආගමක් හා ජාතියක් අතර පවතින ගැටලුවක්.
අපිට ඒක වැඩක් නෑ  ගැටලුව කොහොම උනත් මම  ආවේ ගැටලුව ගැන කතාකරලා ඒක තවත් අවුස්සන්න නෙවෙයි. බෞද්ධයෝ විදිය අපි හරි මාර්ගයේ ගමන් කරනවානම් ඔය ගැටලුව ඇතිවුනේ කොහොමද කියලා කතා කරන්නයි.

ඔය අපහාස උපහාස හැමදේම පැත්තකින් තියලා බුදු  දහමට අනුව බැලුවොත් කවුරු අතරත් ලොකු වෙනක් නැති බව පෙනෙයි. එහෙම කියන්නේ උන් මිත්‍යා දෘෂ්ඨිකයෝ කියලා කෑගහන ගමන් අපිත් මිත්‍යාදෘෂ්ඨියම අදහන නිසයි. ඒ නිසයි මම කියන්නේ බුදුදහමට වැඩිපුරම අගෞරව වෙන්නේ බෞද්ධයන් අතින් කියලා.
අද ඉන්න ගොඩක් දෙනා බුදුදහම යොදාගන්නේ ලෞකික අරමුණු ඉටුරගන්න මාර්ගයක් විදියටයි. පන්සලකා ගිහින් බැලුවත් එහෙමයි. උපාසකයෙක්ගෙන්/ උපාසිකාවකගෙන් අහල බැලුවත් අපිට අහන්න ලැබෙන්නේ මේ වගේ ප්‍රකාශ, 'ඒ පූජාව නම් හරිම හොඳයි. ලෙඩ කරදර අපල ඔක්කොම නැතිවෙනවවලු. විහාග වලින් සමත්වෙන්ත් පුලුවන්ලු'.

ඉතින් බලන්න මොකටද මේ කට කියලා. බුදු හාමුදුරුවෝ අච්චර කල්ප ගානක් පෙරුම් පුරලා බුදු වෙලා අපිට දේශනා කරපු ධර්මය තියන්නේ අපල දුරු කරන්නද, විභාග පාස් කරන්න ද? ඒ විතරක්ද දැන් තවත් අලුත්වෙලා විභාග සමත් වෙන තෙල් ජාතියකුත් තියනවලු.

සමහරු කියනවා ඒ කාලේ ධර්මය මේ කාලෙට ගැලපෙන්නේ නෑ. ඒවා යාවත්කාලීන වෙන්න ඕනේ කියලා. අකාලිකයි, ඒ කියන්නේ අතීත අනාගත වර්මාන තුන් කාලයටම ගැලපෙන මේ සද්ධර්මය වෛරස්ගාඩ් එකක් වගේ සැරෙන් සැරේට අප්ඩේට් කරන්න ඕනෙද?මං දන්න තරමින් බුදු හාමුදුරුවෝ ධර්මය අප්ඩේට් හෝ අප්ග්‍රේට් කරන්න ඕනේ කියලා දේශනා කරලා නෑ. එහෙම වෙනස් කරගන්න කරගත්තාට කමක් නෑ කියලා තියනවා ඛුද්දානුඛද්දක සික්ෂාපද ඒ කියන්නේ කුඩා සහ අනු කුඩා සික්ෂාපද.

 අපි බුදුහාමුදුරුවන්ට කරන ලොකුම උපහාරය වෙන්නනේ බුදු පිළිම ටික ආරක්ෂා කරන එකවත්, අනෙක් ආගම් වලට බනින එකවත් නෙවෙයි. උන් වහන්සේ දේශනා කරපු මාර්ගයේ නිවනට යන එකයි. පිළිම වාගේ දේවල් අපි ආරක්ෂා කරන්න ඔනේ ඒකට හේතුව තමයි ඒවා අපේ වටිනා කලා නිර්මාණ වීම. මට හිතෙන හැටියටනම් බුදුහාමුදුරවන්ට ඔය පිළිම ගැන තැකීමක් නෑ. සහ උන්වහන්සේ පිළිම ගැන කතා කරලාවත් නෑ. අපි දිව්‍ය ලෝකොට යන්න ට්‍රයි එකක් දෙන්න ඔනේ වෙන මොනම හේතුවක්වත් නිසා නෙවෙයි. බුදුහාමුදුරුවෝ පිරිණිවන්පාලා තාම දිව්‍ය ලෝකවල දවස් කීපයකට වඩා ගතවෙලා නැති නිසා එහේ තාමත් පිරිසිදු සද්ධර්මය ඉතිරිවෙලා තියනවා. ඉතින් අපිත් ගියොත් බුදුහාමුදුරුවන්ගෙන් ධර්මය අහලා තියන දෙවිවරුන්ගෙන් අපිට ධර්මය අහගන්න පුලුවන් නිසා. ඒ නිසා අනුන්ව හරි පාරට ගන්න බැරිනම් (පුලුවන් නම් එ්ක ලොකු පිනක්) තමන්වත් නිවැරදි මාර්ගයේ යන එකයි කරන්න ඔනේ. නැතුව වැරදි පාරේ යන උන්ට බැන බැන උන්ගේ පස්සේ යන එක නෙවෙයි. එහෙම ගියොත් අපිත් බැන බැන පස්සෙන් යන්න ගිහින් ගිහින් තියනේ උන් ගිය වැරදි පාරෙම බව තේරෙනවනේ.

Monday, December 12, 2016

අනාගත වංශය ගැන දන්නවා ද?

බුදු, පසේ බුදු, මහරහත් යන තුනතරා බෝධියෙන්, සම්බුද්ධත්වය පතා සම තිංසත් පාරමී පුරමින් පෙරුම් දම් පුරන්නේ බෝසත්වරුමයි. පෙරුම් පුරණ කාලය අනුව බෝසත්වරු තුන් ආකාරයකට වගර්‍ වෙනවා. ප්‍රඥාධික, ශ්‍රද්ධාධික හා වීර්යාධික බුදුවරු ලෙස. ලොව පහල වන්නේ එම බෝසත්වරුමයි. බුද්ධත්වය ප්‍රාර්ථනා කරමින් පෙරුම් පුරණ සෑම බෝධසත්වවරයෙකුම බුදුරජාණන් වහන්සේ නමකගෙන් නියත විවරණ ලබනවා. අප ගෞතම බුදුරජාණන් වහන්සේ සුමේධ තාපස අවධියේදී දීපංකර බුදුරජාණන් වහන්සේගෙන් පළමු වරට නියත විවරණ ලැබුවා. එම අවස්ථාවේ වැඩසිටි මහාශ්‍රාවක, අග්‍රශ්‍රාවකයන් වහස්සේලා පවා මල්මිට බැගින් සුමේධ තාපස තුමාට දී ගෞරව සම්මාන දක්වා තිබෙනවා. ඒ බෝධිසත්වවරයකු සකල ලෝක සත්වයා සසර දුකින් මුදාලනු පිණිස කරනුලබන අති ශ්‍රේෂඨවූ කැපකිරීම නිසාමයි. විවරණ ගත් අපමහා බෝසතාණෝ සාරාසංඛ්‍යෙය කල්පලක්‍ෂයක් පුරා පෙරුම් දම් පුරා ප්‍රඥාධික බුදු කෙනෙකුන් ලෙස ලොව පහලවුනා.
        මේ මහා භද්‍ර කල්පයේ බුදුවරු පස්නමක් ලොව පහල වෙනවා. මින් බුදුවරු සතර නමක් ලොව පහල වී අවසන්. පහළ වීමට සිටින්නේ එක් බුදුවරයකු පමණයි. ඒ අනාගතයේ ලොව පහලවන මෛත්‍රීය බුදුරජාණන් වහන්සේයි. මේ මහා භද්‍ර කල්පයෙන් පස්ව එළඹෙන කල්පය බුද්ධ ශුන්‍ය කල්පයක්. බුද්ධ ශුන්‍ය කල්පයේදී බුදුවරු ලොව පහලවන්නේ නැහැ.
මෛත්‍රි බුදුරජාණන් වහස්සේගේ පහළවීම        බුදුරජාණන් වහන්සේ, මෛත්‍රි බුදුරජාණන් වහන්සේගේ ලොව පහලවීම පිළිබදව දේශනා කරන්නේ කිඹුල්වත්පුර ගමනේදි. බුද්දත්වයෙන් අවුරුද්දකට පසුව බුදුරජාණන් වහස්සේ කිඹුල්වත් පුරයට වැඩම කරනවා. එහිදී ශාක්‍යයන්ගේ මානය දුරු කිරීම පිණිස යමක මහා ප්‍රාතිහාර්ය පා අවසානයේ දම් නෙවි සැරියුත් මහ රහතන් වහස්සේගේ ආරාධනයෙන් මේ අනාගත වංශය හෙවත් මෙත් බුදු සිරිත බුදුරජාණන් වහන්සේ දේශනා කරනවා.
        මෛත්‍රි බුදුරජාණන් වහන්සේ වීර්යාධික බුදුරජාණන් වහන්සේ නමක්. වීර්යාධික බුදුවරු පෙරුම් පුරණ කාලය සොළසාසංඛ්‍යෙය කල්ප ලක්‍ෂයක්.
        අප ගෞතම බුදුරජාණන් වහන්සේගේ ශාසනය අන්තර්ධාන වීමෙන් පසුව මේ ලෝකයේ වාසය කරන මින්සුන්  ගුණ ධර්‍මවලින් පිරිහීම නිසාම ඔනවුනගේ ආයුෂ ප්‍රමාණය අවුරුදු දහය දක්වා අඩු වෙනවා. බුදු කෙනෙක් ලොව පහල වන්නේ අවුරුදු 120-100,000 ත් අතර ආයුෂ ඇති කාලයක පමණයි. මිනිසුන් දස අකුසල් වලින් පෝෂණය වීම නිසාම අවුරුදු 10ක් දක්වා ආයුෂ පිරිහීමට පත් වෙන්වා. මේ කාලයයෙදී මිනිසුන් අතර මෘග සංඥා පහල වෙනවා. මේ කාලයේදි මිනිසුන් ගනිව්, කොටව්, මරව් ආදී බස් ඇතිව ඔවුනොවුන් මරා ගනු ලබනවා. සෑම මනුෂ්‍යයකුටම තවත් මනුෂ්‍යයකු පෙනෙන්නේ පරණළා පත් සේ සියුම් කඩුපත් සෙයින්. ඒ කාලයේ සිටින සත්වයන්ගෙන් නුවණැති මිනිසුන් මේ විනාශය අසා ලෝක විනාශය පැමිණ ඇති බව දැන සතියකට පමණ සෑහෙන ආහාරද ගෙන කිසි කෙනෙකුගෙ නෙත ගැටෙන්නෙ නැතිව සිටියහැකි වන ලැහැබ්, ගල් ගුහා, දූපත් ආදියට වී එකිනෙකා නොපෙනෙන පරිදි සතියක් පුරා සැගවී සිටිනවා. එසේ සැගවී සිටින නුවණැති සත්වයන් හැර සෙසු සත්වයන් ඔවුනොවුන් අතින් මැරුම් කා ජීවිත අවසාන වෙනවා. ඉතිරිව සිටින සිටින නුවණැත්තන් එක්වී මේ ව්‍යසනයට හේතු කතිකා කරලා පස්පව් දස අකුසල් වලින් මිදෙන්න ක්‍රියා කරනවා. ඒ නිසාම ඔවුන්ගෙන් පසුව එන පරම්පරාව විසි අවුරුදු ආයුෂ ලබනවා. ඔවුන්ගෙන් පසු පරම්පරාව තිස් අවුරුදු ආයුෂ ලබනවා. මේ ආකාරයට පරම්පරාවෙන් පරම්පරාවට ආයුෂ ප්‍රමාණය වැඩිවී එය අවුරුදු අසංඛ්‍යෙය දක්වාම දීර්ඝායුෂ ප්‍රමාණය වර්ධනය වෙනවා. මේ අසංඛ්‍යෙ දක්වා වැඩි වූ ආයුෂ ප්‍රමාණය නැවතත් මිනිසුන් ගුණ ධර්‍මවලින් ඈත්වන්නට වීමත් සමග ක්‍රම ක්‍රමයෙන් අඩුවී යනවා. එය අවුරුදු අසූ දහසක් ආයුෂ ප්‍රමාණය දක්වා පැමිණි කාලයේදි තමයි මේ මහා භද්‍ර කල්පයේ අවසන් බුදුරජාණන් වහන්සේ වන මෛත්‍රි බුදුරජාණන් වහන්සේ මේ ලෝකයේ පහළ වන්නේ.
 
        තුසිත දිව්‍ය ලෝකයේ වෙසෙන මෙත් බෝසතුන් දෙවියන්ගේ ආරාධනයෙන් පස්මහ බැලුම් බලා මනුලොව ඉපදීමට තීරණය කරනවා. ඒවන විට කේතුමතී නම් සියලු සශ්‍රීකත්වනේ දිව්‍යශ්‍රීයෙන් ආඪ්‍ය වූ රාජධානියක් පහළ වී එහි සංඛ නම් සක්විති රජ කෙනෙකුන් පාලනය කරන සමයයි. සංඛනම් සක්විති රජතුමාගේ පුරෝහත සුබ්‍රහ්ම මෙත් බෝසතුන්ගේ පියතුමන් වන අතර ඔහුගේ බිරිද වන බ්‍රහ්මවතී බැමිණිය බෝසතුන්ගේ මව වෙනවා. බෝසතුන්ගේ අගමෙහෙසිය වන්නේ චන්ද්‍රමුඛි නම් බිසවයි. ගිහිගෙය අවුරුදු අටදහසක් මුළුල්ලේ වාසය කරන බෝසතුන්  තම අගබිසව බ්‍රහ්ම වර්ධන නම් පුත් කුමරු බිහිකල දිනයේ සතර පෙරනිමිති දැක මහබිනික්මන් කිරිමට තීරණය කරනවා. පැවිදි බවට සුදුසු පරිදි යම් දුකක් අනුභව කරමින් සතියක් මුළුල්ලේ ඊට සූදානම් වන බෝසතාණන් දෙව්, බඹු, මිනිසුන් කෝටි ගණන් පිරිවරා පැවිදිව  චන්ද්‍රමුඛි  අගබිසව විසින් පුදනු ලබන මී කිරිපිඩු බත වළදා නාගශ්‍රී බෝධ මූලයේදී සම්මා සම්බුද්ධත්වයට පත් වෙනවා.
        මෛත්‍රි බුදුරජාණන් වහන්සේගේ අග්‍රශ්‍රාවක වන්නේ අසෝක සහ බ්‍රහ්මදේව යන මහ තෙරුන් වහන්සේලායි. සීහ නම් තෙරුන් ධර්‍ම භාණ්ඩාගාරික මෙන්ම අග්‍ර උපස්ථායක ද වෙනවා. පදුමා සහ සුමනා නම් වූ භික්‍ෂුණීන් වහන්සේලා අග්‍ර ශ්‍රාවිකාවෝ වෙයි. සුධනය, සංඝය අග්‍ර උපාසක වන අතර යසවතී, සංඝා අග්‍ර උපාසිකාවෝ වෙයි.
        මෛත්‍රි බුදුහිමියන්ගේ බුද්ධ කාය රියන් අසූ අටකි. ආයුස කාලය අවුරුදු අසූ දහසකි. යටත් පිරිසයින් එක මල් මිටක්, එක් පහනක්, එක බත් පිඩක් පමණ ප්‍රමාණයේ සිට දන්දී දානාදී පින්කම් සිදුකල ඇත්තන් මෛත්‍රි බුදුන් දැකීමට භාග්‍යවන්තයෝ වෙයි. ආනන්තර්ය පාපකර්‍මයන් සිදුකල අයත්, මිත්‍යා දෘෂ්ඨික වූ පුද්ගලයන්, ප්‍රේත අසුර ආදී ආත්මභාව ලද පුද්ගලයන්, අංගවිකලත්වය සහිත පුද්ගලයන්, තුණුරුවන් සතු දේ පැහැර ප්‍රයෝජනයට ගන්නාවූ පුද්ගලයන් ඒ මෛත්‍රි බුදුන් දැකීමට භාග්‍යවන්ත වන්නෝ නොවෙයි.
මෛත්‍රි බෝසතුන් බුදු හිමියන්ගෙන් විවරණ ලැබීම        මුහුර්ත නම් බුදුහිමියන්ගෙන් පළමු විවරණය ලැබ පෙරුම් පුරමින් පැමිණි ඒ මෛත්‍රි බෝසතාණෝ අවසන් වරට බුදුකෙනෙකුන් ගෙන් විවරණ ලබාගන්නේ අප ගෞතම සම්මා සම්බුදුජාණන් වහන්සේ ගෙන් බුදුරජාණන් වහන්සේ සත්වන වස්  කාලය ගත කරන්නේ තව්තිසා දිව්‍ය භවනෙහි වස් තුන්මස ඇවෑමෙන් සංකස්සපුර නගර ද්වාරයෙන් නැවත වඩින බව බුදුරදුන්ගෙන් අසා දැනගත් මුගලන් මහරහතන් වහන්සේ ඒ සදහා කටයුතු සූදානම් කරනවා. දේවාවරෝහණ උත්සවය ලෙස නම් කරන කෙරෙන ඒ ආශ්චර්යමත් උත්සව දිනයේ සංකස්ස පුරයට රැස්ව සිටින සියලු ජනයාට දිව්‍ය ශ්‍රීය දැකගත හැකි වන ආකාරයෙන් බුදු හිමියන් නැවත වැඩම කරන මොහොතේ ඒ ජනයා අත මෙත් බෝසතුන් ද කෙනෙක්. සංකස්ස පුරයේ සිරිවඩ්ඪ නම් මහ කෙළෙඹි පුත්‍රයකුව ඉපිද සිටි මෙත් බෝසතාණෝ වස් තුන්මස තුල භික්‍ෂූන් වහන්සේලාගේ මාර්ගඵලාවබෝධයන් පිළිබද විමසීම හා ගැටලු තැන් විසදීමේ අරමුණින් බුදු හිමියන් හා පැවති දහම් සංවාද මාලාවේදී, සැරියුත් මහරහතන් වහන්සේ සමග පැවති ඉතාමත් විචිත්‍රවත් දහම් කතිකාවත ශ්‍රවණය කිරීමෙන් අනතුරුව මෙම සිරිවඩ්ඪ නම් කෙළෙඹි පුතු දහසක් පිරිවර සමගින් පැවිදි උපසම්පදාව ලබනවා. බුද්ධ ප්‍රමුඛ මහා සංඝ රත්නයේ ප්‍රසාදය ගෞරවය දිනා ගනිමින් විචිත්‍ර ධර්‍මෙද්ශනාවන්හි යෙදමින් පැවිදි ගත කරන ආර්ය මෛත්‍රි බෝසත් භික්ෂු තෙම තමාට පුදනු ලැබූ වටිනා සිවුරු දෙකකින් බුදු හිමියන් වැඩ සිටි ගන්ධ කුටියේ වියන සකස් කර පූජා කරනු ලබනවා. එම අවස්ථාවේ බුදුරජාණන් වහන්සේ අනෙකුත් භික්‍ෂුන්ට එම ආර්ය මෛත්‍රි බෝසත් භික්ෂුව දක්වමින් මෙලෙස දේශනා කර වදාරනවා.
        “මහණෙනි, උතුම් වස්ත්‍ර යුගලයකින් වියනක් කර බුදුන් පිදූ මේ භික්ෂුව දෙස බලව. මේ තෙමේ මතු මේ මහා භද්‍ර කල්පයෙහිම මෛත්‍රිය නම් සම්මා සම්බුදු වන්නේය. එකල මෙම බරණැස කේතුමතී නම් රාජධානියක් වන්නේය. එහි සංඛ නම් සක්විති රජ කෙනෙක් වන්නේය. ඔහු පුහෝහිත සුබ්‍රහ්ම නම් බමුණා මෛත්‍රිය බුදුන්ගේ පියා වන්නේය. ඔහුගේ භාර්යාව වූ බ්‍රහ්මවතී බැමිණිය මව වන්නීය. නා රුක ඒ බුදුහුගේ බෝරුක වන්නේය යි නියත විවරණ දී වදාළ සේක.
        ඒ මෙත් බෝසතාණෝ තව්තිසා දිව්‍ය භවනෙහි අනාගත මෙතේ බුදුන් ලෙස ලොව පහලවීමේ අපේක්ෂාවෙන් වැඩ වාසය කරනවා. දෙවියන් අතර මහා පුණ්‍යවන්තවූ අග්‍ර වූ මෙත් බෝසතාණන්ට පුද පූජා පැවැත්වීම පිළිබදව අප ලංකා ඉතිහාසයේ අනුරාධපු යුගයේ සිට වාර්‍තා වෙනවා. පුරාවිද්‍යා කැණීම්වලදී ඒ සදහා සාක්‍ෂි බොහොමයක් හමුවී තිබෙනවා. නොකඩවා මෙත් බෝසත් වන්දනාවෙහි යෙදුනු බවට එහිදී හමුවන මෙත් බොසත් ප්‍රතිමා සාක්‍ෂි දරනවා. මෙත් බොසතුන් වෙනුවෙන් ඉදිවූ දිව්‍ය මාළිගා වර්‍තමානයේද දක්නට පුළුවන්. ඒ අතර සිරි සදහම් ආශ්‍රමයේ පිහිටි මෙත් බෝසත් මාළිගයද එකක්.
කුසල් දහම් වඩමින් මෙත් බොසත් වන්දනාවේ යෙදමින් එදා සිට අද දක්වා සැදැහැවතුන් තම ශුභසිද්ධිය ප්‍රාර්ථනා කරමින් ඒ ප්‍රාර්ථනා ඉටුකර ගනිමින් සිටිනවා.
කුසල් දහම් වඩමින් තම දිවිය ගතකරන එවැනි පුද්ගලයන්ට මෙත් බෝසතුන්ගේ ආශිර්වාදය ද නිරන්තරයෙන් හිමි වෙනවා.
අනාගතයේ ලොව පහළවන මෛත්‍රි බුදුහිමියන් දැක නිවන් දැකීම බොහෝ දෙනාගේ  ප්‍රාර්ථනයයි.
එම පැතුම සඵල වීමට නම්,



  • එක් මලක්, පහනක්, එක් බත් පිඩක් ප්‍රමාණයේ හෝ දන් දෙන්න.
  • ආමිස දානයන්හි, අභය දානයන්හි, ධර්‍ම දානයනහි නිරතුරුව ‍යෙදෙන්න.
  • තම යුතුනම් හා වගකීම් තමා වෙනුවෙන්, අනුන් වෙනුවෙන්, ශාසනය වෙනුවෙන් ඉටු කරන්න.
  • බුදු සසුනේ උන්නතියට කටයුතු කරමින් ශාසන හිතකාමී පුද්ගයකු වන්න.
  •  පස් පවින් වෙන්වී කුසල් දහම්හි නිරතුරැව යෙදෙන්න.
  •  ආනන්තරිය පාපකර්‍මයන්ගෙන් සදහටම දුරුවන්න.
  •  දුගතිගාමීවන අකුසලයන් දුරු කරන්න.
  •  සියලු අකුසලයන්ගෙන් මිදෙන්න.
  •  සියලු කුසලයන්හි යෙදෙන්න.
  •  දන් දෙන්න, පින් කරන්න.
  •  සිල් රකින්න, භාවනා කරන්න.
  •  ගුණ දහමින් පෝෂණය වූ පුද්ගලයකු වන්න.
  •  ත්‍රිලක්‍ෂණය මෙනෙහි කරන්න.

        එවිට ඔබටත් මෙත් බෝසතුන්ගේ ආශිර්වාදය නිරතුරු ලැබෙනු ඇත. අනාගතයේ ලොව පහළ වන මෛත්‍රිය බුදුරජාණන් වහන්සේ දැක ගැනීමට හැකි වෙනවා ඇත. මෙතේ බුදුන් දැක නිවන් අවබෝධ කරගැනීමට වාසනාව හිමි වෙනවා ඇත. ඒ සදහා අද අදම නොපමාව, අප්‍රමාදව කටයුතු කරන්න.
        මෙතේ බුදුන් දැකීමට ඔබත් සුදුස්සෙකු වන්න. අන් අයවද සුදුස්සන් බවට පත් කිරීමට දායක වන්න. මේ දහම් පණිවිඩය ඔබ කියවා, එය සුරක්‍ෂිතව තබා ගැනීමෙන් හෝ ඉවත දැමීමෙන් වැලකී හැකිතාක් පිරිසක් අතට පත් කිරීමට කටයුතු කරන්න. එයද මෛත්‍රිය බුදු හිමියන් දැකීමට ඉවහල්වන මහා පුන්‍යකර්‍මයක් වනවා ඇත.


මෛත්‍රි බෝධි සත්වයන්ට පින් දීම
සසිර බර තුසිත පුර - නිතිනි වැඩ සිටින මනසතට සෙත දෙවන සොද - පාරමී පුරන ලද
උතුම් මෙත් බුදු නමින - මතු මනාවන් කලේකේතුමතී පුරවරේ - බුදුව සෙත සදන්නේ
මෙත් බෝසතාණෝ - මා කළ මේ පින් ද ගෙනරකින් මා දින දිනේ - සුභ සෙත ද දෙවමිනේදිගාසිරි දෙවන් සොද - නිරෝගිව තබන් මමදහම් මග දකින්නට - මට පිහිට වුව මැනේ


මෙම ලිපිය මුද්‍රිත පත්‍රිකාවකින් උපුටාගන්නා ලද්දකි. මේක මට ලැබුනේ කඩදාසි කවරයක් හදලා තිබුන කඩදාසියකින්. ලිව්වේ කවුද, කාගේ අදහසක්ද යන්න මට දැනගන්න බැරිවුනා.

PDF විදියට ඩවුන්ලෝඩ් කරගන්න ඕනේනම් පහල බට්න් එක ක්ලික් කරන්න.

Monday, November 28, 2016

HTML Lesson Part 11 චලනය වන අක්ෂර නිර්මාණය

සජීවීකරණ භාවිතය මගින් වෙබ් පිටුවක ආකර්ශණීය බව වැඩි කරගත හැකිය.


පාඨ කොටස් හෝ පින්තූරයන් දිශාවක් ඔස්සේ චලනය කිරීම මෙමගින් අදහස් කෙරේ. මේ සඳහා <MARQUEE> </MARQUEE> ටැග් එක භාවිතා කරයි.

මේ සමඟ භාවිතා වන අනු උපදේශ කේත.

කේතය හා කාර්යය

යෙදෙන ආකාර

විස්තරය
DIRECTION
(චලනය වන දිශාව)
<MARQUEE DIRECTION="RIGHT"> අන්තර්ගතය දකුණට චලනය වේ.
<MARQUEE DIRECTION="LEFT"> අන්තර්ගතය වමට චලනය වේ.
<MARQUEE DIRECTION="UP"> අන්තර්ගතය ඉහළට චලනය වේ.
<MARQUEE DIRECTION="DOWN"> අන්තර්ගතය පහළට චලනය වේ.
BEHAVIOR
(චලනයේ ස්වභාවය)
<MARQUEE BEHAVIOR="SLIDE"> චලනය එක් වරක් ක්‍රියාත්මක වී නවතී.
<MARQUEE BEHAVIOR="SCROLL"> චලනය නොනැවතී ක්‍රියාත්මක වේ
<MARQUEE BEHAVIOR="ALTERNATE"> දෙපසට චලනය වේ.
SCROLLAMOUNT
(චලනයේ වේගය)
<MARQUEE SCROLLAMOUNT="10"> අගය වැඩි වන විට වේගය වැඩි වේ.

මවුස් පොයන්ටරය තැබූ විට චලනය නැවතීමට හා ඉවත් කළ විට නැවත ආරම්භ වීමට පහත පරිදි යෙදිය හැකිය

<MARQUEE onMouseOver="this.stop();" onMouseOut="this.start();">TEXT OR IMAGE</MARQUEE>

ක්ලික් කරන විට නැවතීමට හා අතහැරය විට නැවත ආරම්භ වීමට පහත පරිදි යෙදිය හැකිය

<MARQUEE onMouseDown="this.stop();" onMouseUp="this.start();">TEXT OR IMAGE</MARQUEE>

චලන නිර්මාණය දාහරණය බාගත කරගන්න

Friday, November 25, 2016

HTML Lesson Part - 10 පෝරම නිර්මාණය

දත්ත එක්රැස් කරගැනීම සඳහා මෙන්ම කවත් බොහෝ කටයුුතු සඳහා අත්‍යවශ්‍ය වන පෝරම අංගයන් නිර්මාණය කිරීම පිළිබඳව මෙහිදී විස්තර කෙරේ.


පෝරම නිර්මාණයේදී යොදන කේත සවිස්තරව පහත දැක්වේ.

කාර්යය

කේතය(මූලික කේතය සමග අදාල කේතය ඇතුලත් කර ඇත)

විස්තරය
මූලික කේතය <FORM> </FORM> පෝරමයක් බව හඳුන්වයි
ටෙක්ස්ට් බොක්ස් <input type="text"
name="txt_name"
id="txt_name"
value=""
size="25"
maxlength="30"/>
  • 'name' මගින් යෙදෙන නම php සමග වැඩකරීමට අවශ්‍ය වේ.
  • 'id' භාවිතා වන්නේ Java Script, JQuerys සහ CSS සමඟ කටයුතු කිරීමේදී ය
  • 'value; මගින් ටෙක්ස්බොක්ස් එකට ටෙක්ස්ට් එකක් ඇතුලත් කර තැබීමට හැකිය.
  • 'size' මගින් ටෙක්ස්ට් බොක්ස් එකේ දිග ඇතුලත් කළ හැකිය
  • 'maxlength' මගින් ඇතුලත් කළ හැකි උපරිම අනුලක්ෂණ ප්‍රමාණය දක්වයි
ඩ්‍රොප් ඩවුන් ලිස්ට් <select name="ddl_city">
<option>select one....</option>
<option>KALUTHARA</option>
<option selected>
GALLE</option> <option>KANDY</option>
</select>
  • 'option' මගින් ඩ්‍රොප් ඩවුන් ලිස්ට් එක සඳහා ඔප්ෂන්ස් නිර්මාණය කළ හැකිය.
  • 'selected' යන්න <option selected > ලෙස ඔප්ෂන් ටැග් එක තුල යෙදුනු විට, පිටුව ලෝඩ් වන අවස්ථාවේදී ලිස්ට් එකෙහි පෙර නිමි තේරීම වන්නේ එම ඔප්ෂන් එකයි
ටෙක්ස්ට් ඒරියා <textarea
name="emp_eq"
id="emp_eq" cols="40"
rows="20">
VALUE
</textarea>
  • 'cols' මගින් ටෙක්ස්ට් ඒරියා එකේ පළළ නිරූපණය වේ.
  • 'rows' මගින් ටෙක්ස්ට් ඒරියා එකේ උස නිරූපණය වේ.
ඔප්ෂන් බට්න්ස් <input type="radio" name="emp_gen" id="emp_M" value="M" checked >Male</input>
  • 'value' මගින් දක්වන්නේ එම බට්න් එක සිලෙක්ට් කර ඇති අවස්ථාවේදී පෝස්ට් කරන අගය යි.
  • 'checked' මගින් පිටුව ලෝඩ් වන අවස්ථාවේදී බට්න් ගෘප් එකෙහි පෙර නිමි තේරීම වන්නේ එම බට්න් එකයි
  • 'name' බට්න්ස් එකම ගෘප් එකක් ලෙස ක්‍රියා කරවීම සඳහ name එකට එකම අගය දිය යුතුය.
  • 'id' මගින් බට්න් එකක් අනන්‍යව හඳුනාගනි යි.
චෙක් බොක්ස් <input type="checkbox" name="employee_it" id="employee_it" value="I">IT</input>
  • 'value' මගින් දක්වන්නේ එම බට්න් එක සිලෙක්ට් කර ඇති අවස්ථාවේදී පෝස්ට් කරන අගය යි.
  • 'checked' මගින් පිටුව ලෝඩ් වන අවස්ථාවේදී බට්න් ගෘප් එකෙහි පෙර නිමි තේරීම වන්නේ එම බට්න් එකයි

නමුත් පෝරම සමඟ වැඩ කිරීමේදී HTML පමණක් ප්‍රමාණවත් නොවන අතර Java Script, php වැනි වෙබ් පාදක පරිගණක භාෂාවන් පිළිබඳවද යම් දැනුමක් තිබිය යුතුය.

උදාහරණය බාගත කරගන්න

Wednesday, November 23, 2016

HTML Lesson Part - 9 තවත් සුවිශේෂී ටැග් කීපයක්..

නම/කාර්යය

කේතය

විස්තරය
විචාර(Comments) ඇතුලත් කිරීම <!-- Your Comment --> මේ ආකාරයෙන් ඇතුලත් කරන විචාරයන් වෙබ් පිටුව කියවන්නාට නොපෙන්වන අතර, ඒවා පිටුව නිර්මාණය කරන්නාගේ හෝ සංස්කරනය කරන්නාගේ පහසුව සඳහා භාවිතා කරයි.
ඉස්මතු කර දැක්වීම් <BLOCKQOUTE> </BLOCLQOUTE> විශේෂිත ප්‍රකාශ වෙනමම ඡේදයක ඉස්මතු කර දක්වයි.
Pre-formated Text <PRE> </PRE> පිටුවක් නරඹන අවස්ථාවේදී එය නිර්මාණයේදී යොදා හැති හිස් පේලි හා අනවශ්‍ය ඉඩ ඉවත් කරයි. එසේ නොකර පවත්නා ආකරයෙන්ම පිටුව දැක්වීමට මෙම ටැග් භාවිතා වේ.
ලිපිනයන් දැක්වීම <ADDRESS> </ADDRESS> වෙබ් පිටුවේ නිර්මාණකරුවන් ආදීන් පිළිබඳ සටහන් කිරීමේදී භාවිතා වන පිළිගත් ක්‍රමයකි. මෙවැනි සටහන් බොහෝවිට වෙබ් පිටුවල අග දැකිය හැකිය.

මෙම ටැග් භාවිතා කර ඇති උදාහරණය බාගත කරගන්න

Monday, November 21, 2016

HTML Lesson Part-8 ලැයිස්තු නිර්මාණය

සංකීර්ණ මෙන්ම සරල වෙබ් පිටු නිර්මාණයේදී ද අවශ්‍ය වන ලැයිස්තු නිර්මාණය කරන ආකාරය විමසා බලමු.


<OL> </OL>කේතය මගින් ලැයිස්තු නිර්මාණය

<OL> </OL> මගින් Ordered List කේතය මගින් ලැයිස්තුව නිර්මාණය කරනු ලබන අතර ලැයිස්තුවේ එක් එක් අයිතමයන් දැක්වීමට <L1> උපදේශ කේතය භාවිතා කරයි.

මෙවන් ලැයිස්තු සකස් කිරීමේදී උපදේශ කේතය සමග TYPE අනු උපදේශ කේතය භාවිතා වේ. මෙමගින් ලැයිස්තු සදහා භාවිතා කරනු ලබන අංකය හො අක්ෂර වෙනස් කළ හැකිය.අනු උපදේශ කේතයේ ඔප්ෂන් වන්නේ ,

A - කැපිටල් අකුරෙන් අයිතම අංකනය කේරේ
a - සිම්පල් අකුරෙන් අයිතම අංකනය කේරේ
I - රෝම ඉලක්කම් මගින් අයිතම අංකනය කෙරේ ( I , II ,III ආදි වශයෙන්)
i - රෝම ඉලක්කම් මගින් අයිතම අංකනය කෙරේ ( i , ii ,iii ආදි වශයෙන්)
1 - ඉන්දු අරාබි ඉලක්කම් මගින් අයිතම අංකනය කෙරේ

ලැයිස්තුව අංකනය කිරීම ආරම්භ කළ යුතු අනුලක්ෂණය හදුන්වාදීමට START අනු උපදේශ කේතය භාවිතා කරයි.

උදාහරණයක් ලෙස අපි <OL TYPE = a START = 5>ලෙස කේතය ලබාදුනහොත් ඉංග්‍රීසි හෝඩියේ සිම්පල් අකුරු වලින් අයිතම අංකනය කිරීමට පටන්ගන්නා අතර පළමු අයිතමය e අකුරෙන් අංකනය කර එතැන් සිට f, g, h...ආදී වශයෙන් පවත්වාගනී.

<UL> </UL>කේතය මගින් ලැයිස්තු නිර්මාණය

<UL> </UL> මගින් Unordered List කේතය මගින් ලැයිස්තුව නිර්මාණය කරනු ලබන අතර ලැයිස්තුවේ එක් එක් අයිතමයන් දැක්වීමට <L1> උපදේශ කේතයම භාවිතා කරයි.

මෙවන් ලැයිස්තු සකස් කිරීමේදී ද උපදේශ කේතය සමග TYPE අනු උපදේශ කේතය භාවිතා වේ. මෙමගින් ලැයිස්තු සදහා භාවිතා කරනු ලබන අංකය හො අක්ෂර වෙනස් කළ හැකිය.අනු උපදේශ කේතයේ ඔප්ෂන් වන්නේ ,

DISK - එක් එක් අයිතමය තිතකින් දක්වයි
CIRCLE - එක් එක් අයිතමය කුඩා රවුමකින් දක්වයි
SQUARE - එක් එක් අයිතමය කොටු සලකුණකින් දක්වයි

<DL> </DL>කේතය මගින් ලැයිස්තු නිර්මාණය

<DL> </DL> මගින් Definition List කේතය මගින් ලැයිස්තුව නිර්මාණය කරනු ලබන අතර ලැයිස්තුවේ විග්‍රහ කෙරෙන එක් එක් මාතෘකාව දැක්වීමට <DT> කේතය ද ඒ ය‍ටතේ විස්තර කෙරෙන කරුණු දැක්වීමට <DD> කේතය ද භාවිතා වේ.

ලැයිස්තු නිර්මාණය සඳහා උදාහරණ පිටුව බාගන්න

Sunday, November 20, 2016

HTML Lesson Part-7 HTML තුල වර්ණ භාවිතය

HTML භාෂාව තුල අකුරු ,රේඛා, පසුබිම් වර්ණ ආදිය සදහා වර්ණ ආදේශ කිරීමේදී අදාල වර්ණයන් ලබාදිය යුත්තේ එම වර්ණයට අදාල ෂඩ් දශමය සංඛ්‍යා භාවිතයෙනි. පරිඝනක තිරයේ වර්ණ නිර්මාණය වන්නේ රතු, කොළ, හා නිල් වර්ණයන්ගේ එකතුවෙනි (Red, Green, Blue - RGB) . සෑම වර්ණයකම 0 - 255 දක්වා වෙනස්වන වර්ණ ප්‍රභේදයන් ඇති බැවින් වර්ණයන්ගේ අගයන්ගේ සම්මිශ්‍රණයෙන් වර්ණ මිලියන ගණනක් නිර්මාණය කරගත හැකිය. 0 සිට 255 දක්වා වන මෙම අගයන් ශඩ් දශමය සංඛ්‍යා පාදයෙන් දක්වීමේදී 00 සිට FF දක්වා වේ.


මෙහිදී වර්ණයක් #RRGGBB යන ක්‍රමයට දැක්විය හැකිය.


මෙහිදී RR වෙනුවට රතු වර්ණයේ ප්‍රභේදය සදහා වන ශඩ් දශමය අගය ද, GG සදහා කොළ වර්ණයේ ප්‍රභේදය සදහා වන ශඩ් දශමය අගය ද, BB සදහා නිල් වර්ණයේ ප්‍රභේදය සදහා වන ශඩ් දශමය අගය ද ආදේශ කර වර්ණය සකසා ගත යුතුය.
උදාහ්ණයක් ලෙස ඔබට අකුරු පෙලක් සදහා වර්ණ යෙදීමට අවශ්‍ය වූයේ යැයි සිතමු. එහිදී ඔබට අවශ්‍ය වන්නේ නිල් රතු වර්ණය යැයි සිතමු.

<FONT COLOR = "#RRGGBB"> යන්නට අගයන් ආදේශයෙන් <FONT COLOR = "#FF0000"> රතු වර්ණය නිර්මාණය කරගත හැකිය. මෙහිදී නිල් හා කොළ වර්ණයන් සදහා 00 යෙදීමෙන් අදහස් කරන්නේ එම වර්ණයන් නොයොදන බව යි.

වර්ණ සදහා ශඩ් දශමය අගයන් ලබා ගැනීමට කුඩා මෙවලමක්....


මෙය ඔබේ පරිගණකයට DOWNLOAD කරගන්න.

Saturday, November 19, 2016

HTML Lesson Part-6 අනුලක්ෂණ මෝස්තර

අලංකාරය හා විශේෂ හේතූන් මත සාමාන්‍ය රටාවෙන් බැහැරව අක්ෂරවල අකුරු වචන ආදියේ සිදුකරන වෙනස්කම් මේ යටතේ වෙි. ඇල අකුරු , බෝල්ඩ් අකුරු, යටින් ඉරි ඇදීම, වර්ණය වෙනස් කිරිීම ආදී කාර්යයන් රාශියක් මෙම කේත මගින් සිදු කරයි.

මෙම කේත යෙදිය යුත්තේ අදාල වෙනස්කම සිදුවියයුතු අකුර හො අකුරු මැදි වන ලෙස ආරම්භක හා අවසන් කිරීමේ කේත යෙදීමෙනි. ජේදයක, පේලියක ආදියේ ඕනෑම තැනක මෙම කේත භාවිතා කළ හැකිය.


උදා - <P>පැමිණෙන සැමට <BIG>නොමිලේ</BIG> පොත් කට්ටලයක්....</P>
මෙහිදී 'නොමිලයේ' යන වචනය පමණක් ලොකු අකුරෙන් පෙන්වයි.
කේතය විස්තරය
<B> </B> බෝල්ඩ්(Bold) ආකාරයේ අකුරු පෙන්වයි.
<BIG> </BIG> මෙම කේතය මගින් අක්ෂරවල ප්‍රමාණය විශාල කරයි. විශාලනය රදාපවතිනුයේ භාවිතාවන බ්‍රවුසරය හා සම්මත අක්ෂර ප්‍රමාණය අනුවය.
<BLINK> </BLINK> මෙම කේකය මගින් අදාල කොටස බ්ලින්ක් කර පෙන්වයි.
<CITE> </CITE> උපුටා දක්වන කොටස් මෙම කේතය තුල ඇතුලත් කරයි. එවිට එම අනුලක්ෂණයන් ඇල අකුරු වලින් පෙන්වයි.
<CODE> </CODE> පරිගණක වැඩසටහන් කේතයක් දැක්වීමේදී මෙම කේතය භාවිතා වේ. මෙම කේතය යොදා ඇති අක්ෂර දිස්වන්නේ ස්ථාවර පළළක් සහිත රේඛා වලින් නිර්මිත අකුරු වලිනි.
<EM> </EM> අවධාරණය කොට කිවයුතු ප්‍රකාශයන් මෙම කේත අතර දක්වයි. මේවා කියවන්නාට දැකිය හැකි වන්නේ ඇල අකුරු වලිනි.
<I> </I> මෙම කේතය යෙදූ අකුරු ඇල අකුරෙන් (Italic) දිස් වේ.
<KBD> </KBD> ස්ථාවර රේඛා අක්ෂර වලින් පෙන්වීමට භාවිතා වේ.
<SAMP> </SAMP> ස්ථාවර රේඛා අක්ෂර වලින් පෙන්වීමට භාවිතා වේ
<SMALL> </SMALL> මෙම කේතය මගින් අක්ෂරවල ප්‍රමාණය කුඩා කරයි. කුඩා වන ප්‍රමාණය රදාපවතිනුයේ භාවිතාවන බ්‍රවුසරය හා සම්මත අක්ෂර ප්‍රමාණය අනුවය.
<STYLE> </STYLE>  
<SUB> </SUB>  
<SUP> </SUP>  
<TT> </TT>  
<U> </U>  
<VAR> </VAR>  
<STRONG> </STRONG>  
<FONT> </FONT> font උපදේශ කේතය සමඟ එහි අනු උපදේශ කේත භාවිතා කරමින් විවිධ අක්ෂර ස්වරූප නිර්මාණය කරගත හැකිය.

ඉහත අනුලක්ෂණ මෝස්තර සඳහා උදාහරණ පිටුව බාගන්න

FONT උපදේශ කේතය තුල භාවිතාවන අනු උපදේශ කෙත මෙසේය,

වගුවෙහි දැක්වෙනුයේ අනු උපදේශ කේත FONT උපදේශ කේතය තුල යොදා තිබෙන ආකාරයයි.

කේතය විස්තරය
<FONT SIZE=n> අක්ෂර ප්‍රමාණය වෙනස් කිරීමට භාවිතා වේ. n සඳහා 1 සිට 7 දක්වා අගයන් ආදේශ කළ හැකි අතර ආසන්න අක්ෂර ප්‍රමාණයන්ට සාපේක්ෂව අක්ෂර ප්‍රමාණය වෙනස් කරගැනීම සඳහා n+, n-, n+2, n-3 ආදී වශයෙන් ද භාවිතා කළ හැකිය.
<FONT COLOR= colour> මෙමගින් අක්ෂරවල වර්ණය වෙනස් කරගැනීමට හැකිය. වර්ණය සඳහා වන ශඩ්දශමය අගය හෝ වර්ණයයේ නම භාවිතා කළ හැකිය.
<FONT FACE="font" > මෙමගින් විවිධ ෆොන්ට් භාවිතා කළ හැකිය
උදා:<font face="Comic Sans MS">

Friday, November 18, 2016

HTML Lesson Part-5 තිරස් රේඛා නිර්මාණය

වෙබ් පිටුවකට ආකර්ශනීය පෙනුමක් ලබා දීම සදහා හා පිටුවේ කොටස් වෙන් කර දැක්වීම සදහා තිරස් රේඛා භාවිතා වේ.මේ සදහා භාවිතා වන උපදේශ කේතය <HR> වන අතර එය අවසන් කිරීමට යොදන </HR> යෙදීම අත්‍යවශ්‍ය නොවේ.


තිරස් රේඛාවක දිග, ප්‍රමාණය හෙවත් ඝනකම, පෙලගැස්වීම හා සෙවනැලි යෙදීම සදහා වන අනුඋපදේශ කේත හතරක් ඇත. ඒවා නම්, WIDTH(දිග), SIZE(ප්‍රමාණය), ALIGN(පෙලගැස්වීම), NOSHADE(සෙවනැලි)

තිරස් රේඛා නිර්මාණයේදි යොදන කේත සවිස්තරව පහත දැක්වේ.

කාර්යය

කේතය(මූලික කේතය සමග අදාල කේතය ඇතුලත් කර ඇත)

විස්තරය
මූලික කේතය <HR> </HR> තිරස් රේඛාවක් නිර්මාණය වේ
රේඛාවකට දිග ඇතුලත් කිරීම <HR WIDTH = 30> රේඛාවේ දිග පික්සෙල් වලින් දැක්වේ.
<HR WIDTH = 50%> රේඛාාව් දිග ප්‍රතිශතයක් ලෙසින් දැක්වේ.
රේඛාවකට ප්‍රමාණය ඇතුලත් කිරීම <HR SIZE = 5> පික්සෙල් 5ක් ඝනකම රේඛාවක් නිර්මාණය කරයි.
රේඛාවක් පෙලගැස්වීම <HR ALIGN = "CENTER"> රේඛාව මධ්‍යස්ථව නිර්මාණය වේ.
<HR ALIGN = "LEFT"> රේඛාව වම් පැත්තෙන් නිර්මාණය වේ.
<HR ALIGN = "RIGHT"> රේඛාව දකුණු පැත්තෙන් නිර්මාණය වේ.
රේඛාවකට සෙවනැලි ඇතුලත් කිරීම <HR NOSHADE> පිටුව විවෘත්ත වන බ්‍රවුසරය අනුව පිටුව තද කළු පැහැයෙන් හෝ සෙවනැලි සහිතව දන්වනු ලැබේ.
රේඛාවක් වර්ණවත් කිරීම <HR COLOR = #RRGGBB> RRGGBB සදහා රතු නිල් සහ කොළ වර්ණ ප්‍රෙභ්දයන්ට අදාල ශඩ් දශමය අගයන් ආදේශ කර අදාල වර්ණයෙන් යුතු රේඛාවක් ලබාගත හැකිය.

රේඛාවකට ඉහත ලක්ෂණ සියල්ල ඇතුලත් කිරීම(මෙහිදී හිස්තැනක් මගින් එක් එක් ලක්ෂණය වෙන් කරයි. සියලුම අනු උපදේශ කේත ප්‍රධාන කේතය තුල පිහිටයි)

<HR SIZE = 2 WIDTH = 25% ALIGN = "LEFT" NOSHADE COLOR = RRGGBB>

උදාහරණය බාගත කරගන්න

Thursday, November 17, 2016

HTML Lesson Part-4 මූලික HTML කේත

කේතය

කාර්යය
<HTML>වෙබ් පිටුවේ සියලුම තොරතුරු හා කේත</HTML>

වෙබ් පිටුවක ආරම්භය හගවයි. වෙබ් පිටුව නිර්මාණය කල යුත්තේ මෙම කේත අතරය.

<BODY> වෙබ් පිටුවේ බද </BODY>

වෙබ් පිටුවේ බද කොටස මෙමගින් සංකේතවත් වේ. වෙබ් පිටුවේ සියලු කාරණා අනෙකුක් කේත භාවිතා කරමින් මෙම කේත අතර දැක්විය හැකිය. ඒවා නරඹන්නාට දැකිය හැක

<HEAD>මාතෘකාව</HEAD>

වෙබ් පිටුවේ මාතෘකාව දැක්වීම කළ යුත්තේ මේවා අතරය. මෙය දිස්වන්නේ වෙබ් පිටුව තුල නොවේ වෙබ් බ්‍රවුසරයේ ශීර්ෂය මතය.

<H1> H1 වර්ගයේ මාතෘකාව </H1>

<H2> H2 වර්ගයේ මාතෘකාව </H2>

<H3> H3 වර්ගයේ මාතෘකාව </H3>

<H4> H4 වර්ගයේ මාතෘකාව </H4>

<H5> H5 වර්ගයේ මාතෘකාව </H5>

<H6> H6වර්ගයේ මාතෘකාව </H6>

H1, H2, H3 ආදී ලෙස H6 දක්වා ඇති මෙම කේත අතර වෙබ් පිටුවේ මාතෘකා ආදිය දක්වයි. මේවා Bold ආකාරයෙන් දිස් වේ.H1 සිට H6 දක්වා වන විට පිළිවෙලින් අකුරු කුඩා වේ.

<P> ඡේදය </P>

ඡේදයක් දැක්වීමට යොදාගනී

<BR>පළමු පේලිය </BR>

<BR>දෙවන පේලිය</BR>

පේලි වෙන් කිරීම. ඡේද වෙන්කිරීමේදී මෙන් පේලි අතර ඉඩක් නොතබා පේලි වෙන්කරයි. මෙම කේතය භාවිතයේදී යෙදීම අතෘවශ්‍ය නොවේ උදාහරණයක් ලෙස ඔබට,

<BR>පළමු පේලිය


ලෙස ද දැක්විය හැකිය.

 

උදා - H1 වර්ගයේ මාතෘකාවක් එකෙල්ල කිරීම,

<H1 ALIGN = LEFT>මාතෘකාව </H1>

<H1 ALIGN = RIGHT> මාතෘකාව </H1>

<H3 ALIGN = CENTER> මාතෘකාව</H1>


උදා- ඡේදයක් එකෙල්ල කිරීම

<P ALIGN = LEFT> ඡේදය </P>

<P ALIGN = RIGHT> ඡේදය </P>

<P ALIGN = CENTER> ඡේදය </P>
මාතෘකා, පේලි සහ ඡේද එකෙල්ල කිරීම. Left, Right, Center ලෙස පේලි හා ඡේද එකෙල්ල කළ හැකිය.

ඉහත කේත භාවිතා කර ඇති උදාහරණ පිටුව බාගත කරගන්න.(1KB)


Wednesday, November 16, 2016

HTML Lesson Part-3 HTML කේතයක මූලික සැකැස්ම

HTML පරිගනක ක්‍රමලේඛන භාෂාවක් තරම් සංකීර්ණ හා රළු නොවේ. යම් වරදක් සහිත කේතයන් නොසලකාහරිමින් වෙබ් බ්‍රවුසර මගින් ඒවා විවෘත්ත කරන බැවින් ක්‍රමලේඛන භෂාවගට වඩා සරලය. යම් ටැග් එකක් විවෘත්ත කරන කේතයම ඉදිරයෙන් ඇල ඉරක් යෙදීමෙන් අවසන් කරන කේතය බවට පත්වේ. උදාහරණයක් ලෙස <p> හා </p> යන කේත දෙකෙන් ඡේදයත් විවෘත්ත කිරීම හා වැසීම සිදු කරයි. කැපිටල් හෝ සිම්පල් අකුරු හෝ දෙවර්ගයම භාවිතා කළ හැකි අතර පේලි අතර හෝ ටැග් අතර තබන ඉඩ ප්‍රමාණයන් නොසලකා හරිනු ලබයි.
HTML කේතයක් සරල පාඨ සංස්කරණ මෙවලමක ලියා .html එන එක්ටෙන්ෂන් සහිතව තැන්පත් කිරීමෙන් පමණක්ම HTML පිටුවක් නිර්මාණය කරගත හැකිය. මීට අමතරව තවත් ක්‍රම තිබෙන අතර මීලඟ මාතෘකාව යටතේ එවා පිළිබඳව විස්තර කෙරේ.
Code
Preview
<html>
<head>
<title>Title Of  Page</title>
</head>
<body>
<p>Contain Of the Page</p>
</body>
</html>
This is the contain of the web page
කේතය බාගත කරගන්න(0.005MB)
ඉහත කේතය සලකාබැලූ විට
  • <html> හා </html> මගින් html පිටුව ඇරඹීමත්
  • <head> හා </head> පිටුවේ ශීර්ෂය හෙවත් ආරමභක කොටස දැක්වීමත්(වෙබ් බ්‍රවුසරයේ ඉහළ දිස්වේ)
  • <title> හා <title> මගින් පිටුවේ මාතෘකාව දැක්වීමත් සිදුවේ.
  • <body> </body> මගින් පිටුවේ අන්තර්ගතය සංකේතවත් කරන අතර පිටුව තුල ඇති සෑම දෙයක්ම මේවා අතර ලියනු ලබයි.
ඉහත ටැග් පිළිබඳව ඉදිරියේදී තවදුරටත් විස්තර කෙරෙන අතර සම්මත HTML පිටුවක් ඉහත ආකාරය ගනී. එනමුත් ඇතැම් කොටස් අඩු වැඩි වීම සිදුවිය හැකි අතර බ්‍රවුසර මගින් ඊට අනුරූප ලෙස පිටුව දර්ශනය කරයි

Tuesday, November 15, 2016

HTML Lesson Part-2 වෙබ් අඩවි සංවර්ධන මෙවලම්

වෙබ් අඩවි නිර්මාණය සදහා යොදාගන්නා මෙවලම් ප්‍රධාන වර්ග 3 කි,
  1. සරල පාඨක සංස්කරණ යෙදුම්
  2. විෂයානුබද්ධ කේත භාවිතාකරන යෙදුම්
  3. වෙබ් අඩවි නිර්මාණ යෙදුම්

සරල පාඨක සංස්කරණ යෙදුම්

HTML මගින් වෙබ් අඩවි නිර්මාණය කිරීමේදී Notepad හෝ වැඩිදියුණුකරන ලද Notepad++ වැනි යෙදුම් භාවිතාකල හැකිය. ඊට අමතරව GEdit, TextEditor, TED Notpat වැනි සරල පාඨක සංස්කරණ යෙදුම් ද මේ සදහා භාවිතා කළ හැකි ය.

විෂයානුබද්ධ කේත භාවිතාකරන යෙදුම්

HTML කේත හෝ අනු උපදේශ කේත පහසුවෙන් හැසිරවිය හැ කි ආකාරයට නිර්මාණය කර ඇත. විෂයානුබද්ධ සංස්කරණ මෙවලම් තුල උපදේශ කේත හා අනු උපදේශ කේත වෙනස් වර්ණ වලින් පෙන්නුම් කරයි. මේවායේ ඇති තවත් විශේෂ ලක්ෂණයක් වනුයේ පරිශීලකයා සංස්කරණය කරන භාෂාව අනුව ඊට සුදුසු අතුරුමුහුනතක් ඉදිරිපත් කිරීමයි. HTML කේතකරණයේ යෙදී සිටින්නේ නම් ඒ සදහා ගැලපෙන පහසුකම් සපයන අතර, ඔබ Java කේතකරණයේ යෙදී සිටින්නේ නම් ඊට සුදුසු අතුරුමුහුණතක් සපයයි.
මෙම වර්ගයේ පාඨක සංස්කරණ යෙදුම් සදහා EditPlus, Homesite, Notepad++ උදාහරණ ලෙස දැක්විය හැකිය.

වෙබ් අඩවි නිර්මාණ යෙදුම්

වෙබ් අඩවි නිර්මාණයේ වැඩි දැනුමක් නොමැති අධුනිකයන් සදහා පහසුවෙන් වෙබ් අඩවි නිර්මාණයට මෙවැනි යෙදුම් භාවිතා කළ හැකිය.
ඇඩෝබි සමාගමේ Dream Weawer හා CloudFusion ද, මයික්‍රොසොෆට් සමාගමේ Eression Web හා Visual Studio ද මෙම වර්ගයේ මෘදුකාගවලට නිදසුන් වේ.
.

HTML Lesson Part-1 අන්තර්ජාලය සහ HTML


එච් ටී එම් එල් ගැන ලිපි පෙලක් දාන්න හිතුනා. මුලින්ම කියන්න ඔනේ මේ පළවෙන පෝස්ට් එකේ තියන විස්තර ටික මම විකිපීඩියා එකටත් දාලා තියනවා කියලා. මම ඒකෙන් කොපිකරගත්තා නෙවෙයි. ඊලඟ ලිපියෙන් මම පළවෙනි පාඩම පටන්ගන්නවා. මේ තියන්නේ මූලික විස්තරයක් වැඩ පටාන් ගන්න කලින් දැනගන්න.

ටිම් බර්න්ස් ලී විසින් 1989 ලොවට හදුන්වාදුන් විශ්ව විසිරි වියමන (WWW - World Wide Web) වර්තමානය වන විට බහුමාධ්‍ය තොරතුරු බෙදාහරින ජාලයක් බවට පත්වී ඇත. ටිම් බර්නර්ස් ලී සහ රොබට් කැලියු යන දෙදෙනා විසින් ස්වාධීනව පර්යේෂණ සිදු කිරීමෙන් අනතුරුව ඒවනවිට URL ක්‍රමය සහ HTTP ප්‍රොටෝකෝලය ද නිර්මාණය කර සිටි ටිම් බර්නර්ස් ලී විසින් HTML භාෂාව ද හඳුන්වාදුනේ ය.
Image: Sir Tim Berners Lee
HTML කේත හෙවත් Tags නිර්මාණය කරනු ලබන්නේ ටිම් බර්නර්ස ලී ප්‍රධානත්වය දරන වර්ල්ඩ් වයිඩ් වෙබ් කොන්සෝටියම් (World wide web consortium) හොවත් W3C ආයතනය විසිනි. HTMLභාෂාවේ නවතම කේත සමූහය හෙවත් ප්‍රමිතය HTML 5.0 වේ.
වෙබ් පිටු සකස්කිරීමේදී අන්තර්ජාලය තුල ලිපිගොණු සකස් කරන ආකාරය පිලිබද කලින් සකස් කරන ලද නීති මාලාවකට අනුව සකස්කර "Hyper Text Markup Language - HTML" මගින් ඉදිරිපත් කර ඇත.
WWW Server නමින් හදුන්වන යන්ත්‍රයක් තුල වෙබ් අඩවි හා වෙබ් පිටු තැන්පත්කරන අතර, ප්‍රධාන වෙබ් පිටුවකින් හා ඒ හා සම්බ්න්ධ තවත් පිටු වලින් සමන්විත වේ.
වෙබ් පිටු අතර සබදතා ඇතිකිරීමේදී එය කීප ආකාරයකට සිදුකරනු ලබයි,
  • එම වෙබ් පිටුවේම වෙනත් කොටසකට සම්බන්ධතාවය ඇති කිරී
  • වෙබ් අඩවිය තුල ඇති වෙනත් පටුවකට සම්බන්ද කිරීම
  • වෙනත් වෙබ් අඩවියකට සම්බන්ධ කිරීම
  • වෙනත් වෙබ් අඩවියක පිටුවකට සම්බන්ධතාව ඇති කිරීම
වෙබ් බ්‍රව්‍රසරය මගින් මෙම උපදේශ කේත නිසි පරිදි ගලපා වෙබ් පිටුව පරිගණක තිරය මතට ලබා දෙයි.

වෙබ් බ්‍රවුසරයක් ක්‍රියාත්මක වන්නේ මෙසේය,

  1. තොරතුරු ගබඩා වී ඇති පරිගණකය(Server Computer) වෙත ඉල්ලීමක් කෙරෙන අතර තොරතුරු ලබාගත හැකිදැයි සොයාබලයි.
  2. තොරතුරු ලබාගැනීමට හැකිනම් HTML ගොනුව HTTP තාන්ෂණය මගින් තොරතුරු ලබාගන්නා පරිගණකය වෙත ලබා දේ.
  3. ලබාදුන් තොරතුරු, HTML උපදේශ කේත අනුව(Tags අනුව) සකස් කර තිරය මත දර්ශනය කරයි.
  4. ඕනෑම වර්ගයක රූප හො බහුමාධ්‍ය මූල අවශ්‍ය වූ විට පරිගණකයන්හි ක්‍රියාත්මක කරයවයි.

HTML උපකාරක යෙදුම් (Plug-in)

HTML භාෂාව තුල දී එම භාෂාවේ සම්මත උපදේශ කේත වලට අමතරව විවිධ සමාගම් මගින් වැඩිදියුණු කරනලද වෙනත් උපකාරක යෙදුම්(Plug-in) ද ඇතුලත් කරයි.
මේවා මගින් අන්තරජාලයේ තොරතුරු ලබාගැනීමට වැඩි වටිනාකමක් ලබා දෙයි. මෙම උපකාරක යෙදුම් භාවිතා කරන වෙබ් බ්‍රවුසර ප්‍රබලත්වයෙන් වැඩි ය. එම වෙබ් බ්‍රවුසරයන් මගින් ඒවාට ධාවනය කළ නොහැකි ගොනු ආදිය, එම හැකියා ඇති උපකාරක යෙදුම් භාවිතා කරමින් ධාවනය කරයි. මෙම උපකාරක යෙදුම් නොමිලේ ම ලබාගැනීමට ද හැකිය.

වෙබ් බ්‍රවුසර(Web Browsers)

අවම පහසුකම් වලින් යුතු වෙබ් බ්‍රවුසරයක වුව ද පහත පහසුකම් වලින් යුතු විය යුතුය.
  • HTML මගින් නිර්මාණය කළ හෝ Plain text සහිත වෙබ් පිටු තිරය මත පතිත කිරිම.
  • JPEG, BMP, GIF ගොනු ලෙස පවතින චිත්‍ර ද, GIF, SWF ආකාරයයෙන් පවතින චලනමය චිත්‍ර ද HTML පිටු මත දැක්වීම.
  • බහුමාධ්‍ය මූලයන් හා බහුමාධ්‍ය සම්බන්ධතාවයන්(Hyper Media) සහිත වෙබ් පිටු තිරය මත පෙන්වීම හො ක්‍රියාත්මක කිරීම.
  • FTP, Gopher, Usenet නියමයන් සහිත වෙබ් පිටු තුලට ඇතුල් වීම.
  • වෙබ් පිටුවල ඇති පෝරම සැපයීම හා එම පෝරම වලට ඇතුලත් කරන තොරතුරු ලබා ගැනීමට හැකි වීම.
  • පරිශීලකයා බලාපොරොත්තු වන සෙවුම් යන්ත්‍ර භාවිතා කිරීමේ හැකියාව
මීට අමතරව සජීවීව රෑපවාහිනී නැරඹීම, සජීවී කතා කිරීම(Live Chat), අන්තර්ජාල දුරකථන(Internet Phone) ආදිය සදහා සහාය දැක්වීම ද වෙබ් බ්‍රවුසර මගින් සිදු කරයි.
වර්තමානයේ භාවිතාවන ජනප්‍රිය වෙබ් බ්‍රවුසර ලෙස,
  1. Firefox
  2. Google Crome
දැක්විය හැක.